SEO ოპტიმიზაცია · 01
ვამოწმებთ, რომელი ტექნიკური ხარვეზები უშლის ხელს თქვენი გვერდების ძიებაში გამოჩენას. ვასწორებთ ინდექსაციის, ჩატვირთვის სიჩქარისა და გადამისამართებების პრობლემებს, ვაწესრიგებთ სტრუქტურას და შესრულებულ ცვლილებებს ხელახლა ვამოწმებთ.
ტექნიკური SEO არის ვებსაიტის ის ნაწილი, რომელსაც მომხმარებელი ხშირად ვერ ამჩნევს, მაგრამ Google ყოველ ვიზიტზე ამოწმებს: რამდენად სწრაფად იტვირთება გვერდი, ხელმისაწვდომია თუ არა ის საძიებო რობოტისთვის, არის თუ არა დუბლირებული გვერდები, როგორ არის დაკავშირებული გვერდები ერთმანეთთან და რამდენად გასაგებად არის აღწერილი შიგთავსი სტრუქტურირებული მონაცემებით.
ტექნიკურმა ხარვეზმა შეიძლება ღირებული გვერდიც დატოვოს ძიების მიღმა. აუდიტში თითოეულ პრობლემას ვუთითებთ, რომელ გვერდებს ეხება და როგორ უნდა გამოსწორდეს. სამუშაოს ვიწყებთ იმ ხარვეზებით, რომლებიც მნიშვნელოვან გვერდებზე წვდომას ან მათ ინდექსაციას ზღუდავს.
ქართულ ვებსაიტებზე ყველაზე ხშირად ვხვდებით ნელ მობილურ ვერსიას, არასწორად გამართულ ენობრივ ვერსიებს, ინდექსში მოხვედრილ ფილტრებს და ტეგების გვერდებს, გატეხილ გადამისამართებებს და თემებს, რომლებიც ერთ გვერდზე რამდენიმე H1-ს ქმნის. თითოეული მათგანი გამოსწორებადია და ხშირად სწრაფ ეფექტს იძლევა.
აუდიტის მიხედვით განვსაზღვრავთ, რომელი სამუშაოა საჭირო თქვენს ვებსაიტზე. რეკომენდაციებს თან ახლავს კონკრეტული URL-ები და დავალებები დეველოპერისთვის.
ვებსაიტს ვამოწმებთ ისე, როგორც Google-ის რობოტი ხედავს: ვსკანერებთ ყველა URL-ს, ვადარებთ Search Console-ის მონაცემებს და ვადგენთ ხარვეზების სიას პრიორიტეტებით.
ვაუმჯობესებთ LCP-ს, INP-ს და CLS-ს, განსაკუთრებით მობილურზე, საიდანაც ქართულ ბაზარზე ძიებების უმეტესობა მოდის.
ვზრუნავთ, რომ Google-მა სწორი გვერდები დააინდექსოს და დრო არ დახარჯოს ზედმეტ URL-ებზე.
ვაწესრიგებთ გვერდების იერარქიასა და შიდა ბმულებს, რათა მომსახურების, კატეგორიისა და პროდუქტის გვერდების პოვნა მარტივი იყოს.
ვამატებთ JSON-LD მარკირებას, რომ Google-მა ზუსტად გაიგოს, ვინ ხართ და რას გვთავაზობთ, ხოლო ძიების შედეგებში გამოჩნდეს გაფართოებული ფრაგმენტები.
ქართული, ინგლისური და რუსული ვერსიებისთვის ვაწყობთ hreflang-ს, ხოლო დომენის ან პლატფორმის შეცვლისას ვგეგმავთ 301 გადამისამართებებს ისე, რომ პოზიციები არ დაიკარგოს.
ტექნიკური სამუშაო ერთჯერადი არ არის: ყოველი განახლება, ახალი მოდული ან დიზაინის ცვლილება შეიძლება ახალ ხარვეზს ქმნიდეს. ამიტომ აუდიტის შემდეგ ვებსაიტს მუდმივად ვაკვირდებით.
ვიღებთ წვდომას Search Console-სა და Analytics-ზე, ვსკანერებთ ვებსაიტს და ვაგროვებთ საწყის მონაცემებს.
3-5 სამუშაო დღეში იღებთ ხარვეზების სიას, გავლენის შეფასებით და გამოსწორების რიგით.
ცვლილებებს თავად ვახორციელებთ ან ვმუშაობთ თქვენს დეველოპერთან დეტალური ტექნიკური დავალებით.
ყოველ ცვლილებას ვამოწმებთ: ინდექსაციას, სიჩქარის მაჩვენებლებს და სტრუქტურირებული მონაცემების ვალიდაციას.
ყოველთვიურად ვამოწმებთ ახალ შეცდომებს და გიგზავნით რეპორტს შესრულებული სამუშაოთი.
ტექნიკური სამუშაოს შედეგს ვზომავთ კონკრეტული მაჩვენებლებით, რომლებსაც თავადაც ხედავთ Search Console-ში.
„აუდიტი გამოსადეგია მაშინ, როცა დეველოპერმა ზუსტად იცის, რა უნდა შეცვალოს და როგორ შეამოწმოს შედეგი.“
ვამოწმებთ, ხვდება თუ არა მნიშვნელოვანი გვერდები ინდექსში და როგორ იცვლება დუბლირებული URL-ების რაოდენობა.
ჩატვირთვისა და რეაგირების სიჩქარეს ვადარებთ საწყის მაჩვენებლებს მობილურზე და კომპიუტერზე.
ლოგიკური URL-ები, სწორი შიდა ბმულები და გადამისამართებები ჯაჭვების გარეშე.
გამართული Schema, რომელიც აღწერს გვერდის შინაარსს და აკმაყოფილებს შესაბამისი გაფართოებული შედეგების ტექნიკურ მოთხოვნებს.
ტექნიკური SEO შედის ყველა პაკეტში, ფასი 900 ₾-დან თვეში. ერთჯერადი ტექნიკური აუდიტი ცალკეც შეგიძლიათ შეუკვეთოთ, ფასი ვებსაიტის ზომაზეა დამოკიდებული. ძირითადი ხარვეზების სწრაფი შემოწმებისთვის დაიწყეთ უფასო SEO აუდიტით.
ყველა პაკეტი და ფასიფასები მითითებულია დღგ-ს გარეშე.
ტექნიკური SEO ეხება ვებსაიტის კოდს, სერვერს და სტრუქტურას: სიჩქარეს, ინდექსაციას, გადამისამართებებს და Schema-ს. კონტენტ-SEO და Off-page SEO კი გვერდების შინაარსს და ვებსაიტის ავტორიტეტს. სრული შედეგისთვის სამივე მიმართულებაა საჭირო, ტექნიკური ნაწილი კი საფუძველია.
საშუალო ზომის ვებსაიტზე აუდიტის რეპორტს 3-5 სამუშაო დღეში მიიღებთ. დიდ ონლაინ მაღაზიებზე, სადაც ათიათასობით URL-ია, აუდიტს შეიძლება 10 სამუშაო დღე დასჭირდეს.
ორივე ვარიანტი შესაძლებელია. WordPress-ზე, Shopify-ზე და Next.js-ზე ცვლილებებს უმეტესად თავად ვახორციელებთ, ხოლო თქვენი დეველოპერისთვის ვამზადებთ დეტალურ ტექნიკურ დავალებას და ვამოწმებთ შესრულებას.
ინდექსაციის და გადამისამართებების გასწორების ეფექტი ხშირად რამდენიმე კვირაში ჩანს, როცა Google გვერდებს ხელახლა დაასკანერებს. სიჩქარის და სტრუქტურის გაუმჯობესება პოზიციებზე, როგორც წესი, 2-3 თვეში აისახება.
დიახ, და ყველაზე იაფი სწორედ თავიდანვე სწორად აწყობაა. თუ ვებსაიტს ახლა ქმნით, ტექნიკური მოთხოვნები დეველოპმენტის ეტაპზევე უნდა ჩაიდოს. ამისთვის გვაქვს ცალკე მომსახურება: ვებსაიტის შექმნა, რომელიც SEO-სთვის თავიდანვე მზადაა.
დაგვიტოვეთ ვებსაიტის მისამართი და მოკლედ აღწერეთ მიზანი. 3-5 სამუშაო დღეში გამოგიგზავნით აუდიტს და რეკომენდაციებს, ვალდებულების გარეშე.
ტელეფონი+995 595 88 11 65
ელფოსტაinfo@seosaagento.ge
სამუშაო საათებიორშაბათი-პარასკევი, 09:00-19:00