8 მიმართულება, ერთი გუნდი
SEO-ს სამუშაო გეგმას ვებსაიტის მდგომარეობისა და თქვენი მიზნების მიხედვით ვადგენთ. ამ გვერდზე შეგიძლიათ შეადაროთ მომსახურებები, გაეცნოთ თითოეულის მოცულობას და აირჩიოთ, რომელი მიმართულება გჭირდებათ. თუ ჯერ არ იცით, რით დაიწყოთ, უფასო აუდიტი პრიორიტეტების განსაზღვრაში დაგეხმარებათ.
აირჩიეთ მიმართულება და ნახეთ, რა სამუშაოს მოიცავს, როგორ მიმდინარეობს და როგორ ფასდება.
ვამოწმებთ, ხელმისაწვდომია თუ არა მნიშვნელოვანი გვერდები Google-ისთვის, რა ანელებს ჩატვირთვას და სად გვხვდება ინდექსაციის ან გადამისამართების ხარვეზები.
საძიებო მოთხოვნებს შესაბამის გვერდებს ვუთავსებთ. ვადგენთ, რა ტექსტია დასაწერი, სად გვაკლია ინფორმაცია და რომელი არსებული გვერდი უნდა განახლდეს.
ვმუშაობთ გარე ბმულებზე, ბრენდის ხსენებებსა და შეფასებებზე. ვამოწმებთ არსებულ წყაროებს და ვარჩევთ გამოცემებს, რომელთა აუდიტორიას თქვენი საქმიანობა აინტერესებს.
თუ თქვენ გაქვთ ფიზიკური ფილიალი ან ემსახურებით კონკრეტულ ქალაქს, ლოკალური SEO დაგეხმარებათ Google Maps-ში და „ჩემთან ახლოს" ძიებებში გამოჩენაში.
ვაწესრიგებთ კატალოგის გვერდებს და ფილტრების ინდექსაციის წესებს. პროდუქტის აღწერებსა და ტექნიკურ შაბლონებს მაღაზიის მასშტაბის მიხედვით ვამუშავებთ.
ვაკვირდებით, როგორ ახსენებენ AI სისტემები თქვენს ბრენდს და რომელ გვერდებს უთითებენ წყაროდ. მიღებული მონაცემებით ვგეგმავთ კონტენტისა და ბრენდის შესახებ ინფორმაციის განახლებას.
კომპანიის მონაცემებსა და გამოცდილებაზე დაყრდნობით ვამზადებთ მასალებს მედიისთვის. ვარჩევთ თემას, ფორმატსა და შესაბამის რედაქციებს, შემდეგ ვაფასებთ გამოქვეყნებულ პუბლიკაციებს.
ვაწესრიგებთ დამფუძნებლებისა და ექსპერტების ონლაინ პროფილებს, ბიოგრაფიებსა და პუბლიკაციებს, რომ მათი სახელის ძიებისას გამოცდილებისა და საქმიანობის შესახებ ზუსტი ინფორმაცია ჩანდეს.
SEO ოპტიმიზაცია აერთიანებს ვებსაიტის ტექნიკურ გამართვას, გვერდების შინაარსზე მუშაობასა და გარე წყაროებთან ურთიერთობას. სამუშაოს მიზანია, მომხმარებელმა ძიებიდან იპოვოს მისთვის შესაბამისი პროდუქტი ან მომსახურება და გვერდზე საჭირო ინფორმაცია მიიღოს.
SEO-ს ერთ-ერთი მთავარი უპირატესობა ის არის, რომ შედეგი მხოლოდ მიმდინარე სარეკლამო ბიუჯეტზე არ არის დამოკიდებული. სწორად დამუშავებულ გვერდს შეუძლია ძიებიდან ტრაფიკის მოზიდვა ხანგრძლივი პერიოდის განმავლობაში და დროთა განმავლობაში უფრო მნიშვნელოვანი ორგანული არხიც გახდეს.
SEO სტრატეგია ბიზნესის ტიპის მიხედვით იცვლება. რამდენიმე ფილიალის მქონე კლინიკისთვის მნიშვნელოვანი შეიძლება იყოს Google Maps-ში და ლოკალურ ძიებაში ხილვადობა. ონლაინ მაღაზიაში განსაკუთრებული ყურადღება ეთმობა კატეგორიების სწორ სტრუქტურას, ფილტრებსა და ინდექსაციის მართვას. B2B სექტორში კი ხშირად უფრო დიდი მნიშვნელობა აქვს ისეთი კონტენტის შექმნას, რომელიც რთულ კითხვებს პასუხობს და კომპანიის ექსპერტულობას აჩვენებს.
პირველად ვადგენთ, რომელი გვერდები უკვე იღებს ვიზიტებს, სად იკარგება მომხმარებელი და რა ტექნიკური შეზღუდვებია გამოსასწორებელი. ამ მონაცემებით ვირჩევთ საწყის სამუშაოს და ვათანხმებთ მის რიგს.
შემდეგ ვამუშავებთ მომსახურების, კატეგორიისა და ლენდინგ გვერდებს: ვავსებთ შეთავაზების დეტალებს, ვასწორებთ ბმულებს და ვამარტივებთ დაკავშირების გზას. ბლოგისა და სხვა საინფორმაციო გვერდების თემებს მომხმარებელთა დარჩენილი კითხვების მიხედვით ვგეგმავთ.
ცალკე მიმართულებად ვითარდება AI ძიებაც. ChatGPT, Gemini და Google AI Overviews ინფორმაციას უკვე არსებული ვებწყაროებიდან იღებენ, ამიტომ კარგად სტრუქტურირებული, სანდო და თემატურად ძლიერი კონტენტი მნიშვნელობას არც ამ გარემოში კარგავს. GEO სწორედ ამ საფუძველს ეყრდნობა და ყველაზე ეფექტურია მაშინ, როდესაც ვებსაიტს უკვე გამართული SEO სტრუქტურა აქვს.
მუშაობის დასაწყისში ვაფიქსირებთ საწყის მონაცემებს. ყოველთვიურ შეხვედრაზე ვადარებთ მათ მიმდინარე შედეგებს და ვწყვეტთ, რა გავაკეთოთ შემდეგ.
აუდიტში ვაერთიანებთ ტექნიკურ ხარვეზებს, კონტენტის ნაკლოვანებებსა და კონკურენტების მონაცემებს. თითოეულ საკითხს გამოსწორების პრიორიტეტს ვანიჭებთ.
მოთხოვნებს შესაბამის გვერდებზე ვანაწილებთ და 6-12 თვის გეგმას ვამზადებთ. გეგმა აჩვენებს სამუშაოს რიგს და მაჩვენებლებს, რომლებითაც შედეგს შევაფასებთ.
შეთანხმებულ გვერდებზე ვახორციელებთ ტექნიკურ ცვლილებებს, ვაახლებთ მეტა-მონაცემებს და ვაწესრიგებთ შიდა ბმულებს.
სარედაქციო გეგმით ვაქვეყნებთ ახალ მასალებს, ვაახლებთ არსებულ გვერდებს და ვმუშაობთ შესაბამისი წყაროებიდან ბმულების მოპოვებაზე.
ანგარიშში შესრულებულ სამუშაოს მიღებულ მონაცემებთან ერთად ხედავთ: როგორ შეიცვალა ძიებაში ხილვადობა, ვიზიტები და მიმართვები. იქვეა შემდეგი თვის პრიორიტეტებიც.
პაკეტები 900 ₾-დან თვეში (დღგ-ს გარეშე). ზუსტ შეთავაზებას უფასო აუდიტის შემდეგ მიიღებთ, ფასი დამოკიდებულია ვებსაიტის ზომაზე და კონკურენციაზე.
ნახეთ ყველა პაკეტიSEO ოპტიმიზაცია არის ვებსაიტის გაუმჯობესება ისე, რომ Google-მა ის უკეთ გაიგოს და ორგანულ, ანუ არაფასიან შედეგებში მაღლა აჩვენოს. ის მოიცავს ტექნიკურ გამართვას, კონტენტს, რომელიც საძიებო მოთხოვნებს პასუხობს, და ვებსაიტის ავტორიტეტის ზრდას ვებსაიტის გარეთ.
ჩვენი ყოველთვიური პაკეტები იწყება 900 ₾-დან (დღგ-ს გარეშე). ფასი დამოკიდებულია ვებსაიტის ზომაზე, კონკურენციაზე და საძიებო კლასტერების რაოდენობაზე. დეტალები იხილეთ ფასების გვერდზე, ზუსტ შეთავაზებას კი უფასო აუდიტის შემდეგ მიიღებთ.
უმეტეს შემთხვევაში ტექნიკური აუდიტით, რადგან ის აჩვენებს, რა უშლის ხელს ვებსაიტის ზრდას. აუდიტის შედეგზე დაყრდნობით ვადგენთ, რომელი მიმართულება მოიტანს ყველაზე სწრაფ შედეგს: ტექნიკური გასწორება, ახალი კონტენტი, ლოკალური SEO თუ Off-page SEO.
დიახ. ცალკე შეგიძლიათ შეუკვეთოთ ტექნიკური აუდიტი, საძიებო სიტყვების კვლევა, Google Business Profile-ის ოპტიმიზაცია ან მიგრაციის დაგეგმვა. გრძელვადიანი ზრდისთვის კი გირჩევთ ყოველთვიურ პაკეტს, სადაც ყველა მიმართულება ერთ სტრატეგიას ემორჩილება.
საწყისი ცვლილებების შესაფასებლად ხშირად 2-3 თვეა საჭირო, უფრო მდგრადი ზრდისთვის კი 6-12 თვე. სამუშაოს ტემპსა და კონკურენციასთან ერთად მნიშვნელობა აქვს ვებსაიტის საწყის მდგომარეობასაც.
დიახ. ვიკვლევთ საძიებო სიტყვებს თითოეული ენისთვის ცალკე, ვაწყობთ hreflang-ს და ვითვალისწინებთ ლათინური ტრანსლიტერაციით ძიებასაც, მაგალითად „seo saagento".
ყოველთვიურად იღებთ რეპორტს: შესრულებული სამუშაო, პოზიციები, ორგანული ტრაფიკი, მიმართვები და შემდეგი თვის გეგმა. წვდომა გაქვთ Google Search Console-სა და Analytics-ზეც, ამიტომ ყველა ციფრს თავადაც ხედავთ.
დაგვიტოვეთ ვებსაიტის მისამართი და მოკლედ აღწერეთ მიზანი. 3-5 სამუშაო დღეში გამოგიგზავნით აუდიტს და რეკომენდაციებს, ვალდებულების გარეშე.
ტელეფონი+995 595 88 11 65
ელფოსტაinfo@seosaagento.ge
სამუშაო საათებიორშაბათი-პარასკევი, 09:00-19:00