SEO ოპტიმიზაცია · 02
ვადგენთ, რა კითხვებითა და ფრაზებით ეძებენ თქვენს პროდუქტს ან მომსახურებას. ამ კვლევით ვგეგმავთ ახალ გვერდებს და ვასწორებთ არსებულ ტექსტებს: ვამატებთ გამოტოვებულ ინფორმაციას, ვშლით გამეორებებს და მკითხველს გადაწყვეტილებისთვის საჭირო დეტალებს ვაწვდით.
კონტენტ-SEO არის პროცესი, რომელიც საძიებო მოთხოვნით იწყება და არა ტექსტით. ჯერ ვადგენთ, რომელი ფრაზებით ეძებენ თქვენს მომსახურებას ან პროდუქტს, რა განზრახვა დგას თითოეული ძიების უკან: ინფორმაციის მოძიება, შედარება თუ ყიდვა, და რომელი გვერდი უნდა უპასუხოს თითოეულ მათგანს. მხოლოდ ამის შემდეგ იწყება წერა.
ერთი პროდუქტი შეიძლება ქართულად, ლათინური ასოებით, ინგლისურად ან რუსულად მოიძიონ. კვლევაში ამ ვარიანტებს ცალ-ცალკე ვამოწმებთ. მაგალითად, „seo saagento“ და „bina tbilisshi“ გვიჩვენებს, როგორ ეძებს მომხმარებელი ქართულ მომსახურებას ლათინური კლავიატურით. ყველა ფორმისთვის ცალკე გვერდის შექმნა საჭირო არ არის; ჯერ ვადგენთ, ემთხვევა თუ არა ძიების მიზანი.
კონტენტი მუშაობს მხოლოდ მაშინ, როცა ვებსაიტი ტექნიკურად გამართულია და გვერდები სწორად ინდექსირდება, ამიტომ კონტენტ-SEO ყოველთვის ტექნიკურ SEO-სთან ერთად იგეგმება. ხოლო იმისთვის, რომ ძლიერმა გვერდმა კონკურენტულ მოთხოვნებზეც გაიმარჯვოს, მას ხშირად ხარისხიანი გარე ბმულებიც სჭირდება.
კვლევა გვიჩვენებს, სად აკლია ვებსაიტს გვერდი, სად მეორდება ერთი თემა და რომელ ტექსტს სჭირდება განახლება. ამ სიიდან ვადგენთ სამუშაოს რიგს.
ვაგროვებთ ყველა მნიშვნელოვან საძიებო ფრაზას თქვენს დარგში, ვაფასებთ მათ მოცულობას, კონკურენციას და კომერციულ ღირებულებას.
მსგავსი განზრახვის მოთხოვნებს ვაჯგუფებთ და თითოეულ ჯგუფს ერთ გვერდს ვუკავშირებთ, რომ ვებსაიტის გვერდებმა ერთმანეთს კონკურენცია არ გაუწიონ.
ვმუშაობთ მომსახურების, კატეგორიისა და ლენდინგ გვერდებზე, სადაც მომხმარებელი შეთავაზებას ეცნობა და შეძენაზე გადაწყვეტილებას იღებს.
ვგეგმავთ სტატიებს, რომლებიც ინფორმაციულ მოთხოვნებს პასუხობს და მკითხველს ბუნებრივად მიიყვანს თქვენს მომსახურებამდე.
ტექსტებს წერენ ქართულენოვანი ავტორები, რომლებიც დარგს სწავლობენ, ხოლო საბოლოო ვერსიას SEO-სპეციალისტი და რედაქტორი ამოწმებს.
არსებულ გვერდებზე ვამოწმებთ, რა მოძველდა, რომელი კითხვა დარჩა უპასუხოდ და ხომ არ მეორდება იგივე ინფორმაცია სხვა გვერდზე.
კონტენტზე მუშაობა ციკლურია: ყოველი თვის მონაცემები გვიჩვენებს, რომელი გვერდი მუშაობს, რომელს სჭირდება გაძლიერება და რა თემაზე ღირს შემდეგი სტატიის დაწერა.
ვსაუბრობთ თქვენს მომსახურებაზე, მომგებიან მიმართულებებზე და მომხმარებლების ხშირ კითხვებზე, ვამოწმებთ არსებულ კონტენტს.
7-10 სამუშაო დღეში იღებთ კლასტერებად დალაგებულ მოთხოვნებს, თითოეულის მიზნობრივი გვერდით და პრიორიტეტით.
პირველ რიგში ვასწორებთ მომსახურებისა და კატეგორიის გვერდებს, სადაც მომხმარებელს შეკვეთის ან დაკავშირების შესაძლებლობა აქვს.
ვქმნით ახალ გვერდებს და სტატიებს სარედაქციო კალენდრის მიხედვით, ყოველ ტექსტს თქვენთან ვათანხმებთ გამოქვეყნებამდე.
ყოველთვიურად ვზომავთ პოზიციებს, ტრაფიკს და მიმართვებს, და ვადგენთ, რომელი გვერდი უნდა განახლდეს.
ვაკვირდებით, რომელი მოთხოვნებიდან შემოდის მკითხველი, რა გვერდებს ეცნობა და რამდენად ხშირად გვიკავშირდება ან ყიდულობს.
„ტექსტმა უნდა უპასუხოს იმას, რასაც კლიენტი შეძენამდე გეკითხებათ: რა შედის მომსახურებაში, რა ღირს და როგორ მიიღებს მას.“
ძირითადი ფრაზების გარდა, გვერდები პასუხობს პროდუქტისა და მომსახურების შესახებ კონკრეტულ კითხვებსაც.
გვერდები იზიდავს იმ ადამიანებს, რომლებიც მზად არიან, შეიძინონ ან დაგიკავშირდნენ.
თითოეული მომსახურება ცალკე, სიღრმისეული და დამაჯერებელი გვერდით არის წარმოდგენილი.
ყველა ტექსტი, ბრიფი და საძიებო სიტყვების რუკა თქვენს საკუთრებაში რჩება.
კონტენტ-SEO შედის ყველა პაკეტში, ფასი 900 ₾-დან თვეში. „სტარტის" პაკეტში თვეში 2-3 SEO ტექსტური მასალაა, „ზრდის" პაკეტში (2 000-3 000 ₾) 4-6 და 10-30 საძიებო კლასტერი, „ლიდერში" კი 6+.
ყველა პაკეტი და ფასიფასები მითითებულია დღგ-ს გარეშე.
საძიებო სიტყვების კვლევა კონტენტ-SEO-ს პირველი ნაწილია: ის გვიჩვენებს, რას ეძებენ ადამიანები. კონტენტ-SEO კი ამ ცოდნის შემდეგ გვერდების შექმნას, ოპტიმიზაციას და განახლებას მოიცავს, ანუ მოთხოვნის რეალურ პასუხად გადაქცევას.
AI ინსტრუმენტებს ვიყენებთ კვლევის და სტრუქტურის დასაჩქარებლად, მაგრამ საბოლოო ტექსტს ქართულენოვანი ავტორი წერს და რედაქტორი ამოწმებს. Google აფასებს სასარგებლო და ექსპერტულ კონტენტს, ხოლო დაუმუშავებელი ავტომატური ტექსტი ქართულ ენაზე ხშირად უხეშად და არაბუნებრივად ჟღერს.
დიახ, ბევრ დარგში მოთხოვნების მნიშვნელოვანი ნაწილი ლათინური ასოებით იწერება. ასეთ ვარიანტებს კვლევაში ყოველთვის ვითვალისწინებთ და ვადგენთ, სად საკმარისია ქართული გვერდი და სად ღირს ტექსტში ან მეტა-მონაცემებში ტრანსლიტერირებული ფორმის ბუნებრივად გამოყენება.
რაოდენობაზე მნიშვნელოვანი ხარისხი და სწორი თემებია. მცირე ბიზნესისთვის ხშირად საკმარისია თვეში 2 სიღრმისეული სტატია და მთავარი გვერდების გაძლიერება, კონკურენტულ ნიშაში კი 4 და მეტი. ზუსტ რაოდენობას საძიებო სიტყვების რუკის შემდეგ გირჩევთ.
არსებული გვერდების ცვლილება ზოგჯერ რამდენიმე კვირაში ჩანს, ახალი სტატიების შეფასებას კი მეტი დრო სჭირდება. საწყის ნიშნებს ჩვეულებრივ 2-4 თვეში ვაკვირდებით, თუმცა ვადა თემასა და კონკურენციაზეა დამოკიდებული. სამუშაოს მოცულობა პაკეტის მიხედვით განსხვავდება; დეტალები იხილეთ ფასების გვერდზე.
დაგვიტოვეთ ვებსაიტის მისამართი და მოკლედ აღწერეთ მიზანი. 3-5 სამუშაო დღეში გამოგიგზავნით აუდიტს და რეკომენდაციებს, ვალდებულების გარეშე.
ტელეფონი+995 595 88 11 65
ელფოსტაinfo@seosaagento.ge
სამუშაო საათებიორშაბათი-პარასკევი, 09:00-19:00